subscribe
Flet mjeku ortoped: Si parandalohen dhimbjet e mesit

Shendetesi

Flet mjeku ortoped: Si parandalohen dhimbjet e mesit

Më: 28 dhjetor 2018 Në ora: 14:52

Faktorët që rrezikojnë dhe dëmtojnë shtyllën kurrizore, janë aktivitete të përsëritura që tendosin shpinën. Shumë punë fizike kërkojnë ngritje peshash konstante, shtyrje, tërheqje, përkulje apo lëvizje gjarpëruese. Përdorimi i lëvizjeve dhe teknikave të sigurta mund të ndihmojë në mbrojtjen e shpinës.

Mund të jetë e pamundur për të parandaluar dhimbjen e mesit. Ne nuk mund të shmangim ‘wear and tear’ dëmtimin e shpinës që ka të bëjë me moshën apo mplakjen. Por ka gjëra që mund të bëjmë për të pakësuar ndikimin e problemeve të mesit. Duke patur një mënyrë jetese të shëndetshme është një fillim i mirë. Kirurgu ortoped, Ledian Fezollari thotë se duke pasur parasysh faktorët e riskut mund të marrim dhe masat për parandalim të dhimbjes së mesit.

Faktorët e riskut

Ngritja e peshave të rënda, pa një pozicion të duhur të shpinës apo mesit. Pra, nëse kryeni një punë të vazhdueshme në një pozicion të keq për belin dhe të mbingarkuarit e kësaj zone (sforcimi). Disa lëvizje të shpejta të mesit në rotacion ose përkulje të shpejtë/lëvizje të extensionit (drejtimit) të shpinës. Disa aktivitete sportive të tepërta dhe të bëra pa përgatitje adekuate fizike.

Një stil jetese sedentare pa aktivitet fizik apo aktivitete sportive, gjithashtu, rritin rrezikun për të zhvilluar një discopathypër shkak të mbështetjes (suportit) të pamjaftueshme të muskujve dhe mbrojtjes së shpinës.

Aktivitete të përsëritura që tendosin shpinën. Shumë punë fizike kërkojnë ngritje peshash konstante, shtyrje, tërheqje, përkulje apo lëvizje gjarpëruese. Përdorimi i lëvizjeve dhe teknikave të sigurta mund të ndihmojë në mbrojtjen e shpinës.

Pesha. Të jesh mbipeshë shtohet stresi i ushtruar në disqet e mesit, si dhe dobësia e muskujve.

Ngarje të shpeshta të makinës. Qëndrimi ulur për periudha të gjata kohe, plus dridhjet-vibrimet nga motori i makinës, mund të vënë në presion disqet dhe shpinën tuaj.

Pirja e duhanit. Besohet se pirja e duhanit zvogëlon furnizimin në oksigjen të disqeve dhe shkakton degjenerimin më të shpejtë.

Gjinia. Meshkujt mes moshës 30 dhe 50 kanë më shumë gjasa që të ketë hernie diskale se sa femrat.

Gjatë pleqërisë si pasojë e dobësimit dhe e degjenerimit të disqeve.

Faktorët gjenetikë që lidhen me degjenerimin e hershëm të indeve kanë qenë postulatet edhe si shkak të mundshëm të përkeqësimit të disqeve (studim i kohëve të fundit, për momentin pa konkluzione të qarta).

Ngritja e peshave

Sigurohuni për të ngritur sende të rënda me këmbët tuaja, jo me mesin apo shpinën. Mos u përkul për të marrë diçka. Mbani shpinën drejt dhe përkuluni në gjunjë.

Pesha

Mbajtja e një peshë të shëndetshme. Mbipesha shton stresin në shpinë.

Shmangia e duhanpirjes

Si duhani dhe nikotina shkaktojnë mplakje më të shpejtë të shpinës se sa normalisht.

Postura e Përshtatshme

Postura e mirë është e rëndësishme për të shmangur problemet në të ardhmen. Një terapist mund t’ju mësojë se si të ngriheni, uleni apo ngritja e peshave në mënyrë të sigurt.

Ushtrime

Kombinimi i ushtrimeve aerobike, si ecja ose noti, me ushtrime të veçanta për të mbajtur muskujt e shpinës suaj dhe barkun të fortë dhe fleksibël.

Ushtrime të thjeshta gjimnastikore për të mbrojtur shëndetin

Për të mbajtur shpinën në shëndet të mirë dhe për të lehtësuar dhembjet e shpatullave dhe të gjunjëve është e nevojshme të qetësoheni duke zgjatur dhe forcuar disa grupe muskulore.

Ushtrimet e propozuara këtu duhet të zgjasin rreth 1 min secili dhe duhen kryer çdo ditë për të paktën 20 minuta në mëngjes ose në mbrëmje.

Këto ushtrime mund të jenë një parandalim i mirë për dhembjet e shpinës

Si t’ia fillohet

Ngrohja- Nxemja: Para se të bëni ushtrimet e mëposhtme, bëni nxemje 5 deri në 10 minuta me aktivitete të ndikimit të ulët, si ecje në këmbë ose çiklizëm stacionar ose ringrohni muskujt me termofor.

Tërheqje- Stretch: Pas nxemjes, bëni ushtrime që tregohen në faqen e parë, pra ushtrime stretching-u përpara se të filloni të bëni ushtrimet e forcimit. Kur të keni përfunduar ushtrimet e forcimit, përsëritni ushtrimet e stretching-ut për t’i dhënë fund programit.

Mos injoroni dhimbjen: Ju nuk duhet të ndjeni dhimbje gjatë një stërvitjeje. Bisedoni me mjekun tuaj ose fizioterapistin në qoftë se ju keni ndonjë dhimbje gjatë ushtrimit.

Pyesni: Nëse ju nuk jeni të sigurt se si të bëni një ushtrim, ose sa shpesh, për ta bërë atë, kontaktoni mjekun tuaj ose fizioterapistin.

Ushtrimet e stretching-ut

I shtrirë duke qetësuar shpinën bëj frymëmarrje të shpeshta dhe të thella duke ndaluar 6 sek. nga 1 frymëmarrje.
Mblidh gjunjët në kraharor dhe qëndro në këtë pozicion për 30 sek. më pas lëshoji dhe kthehu në pozicionin e mëparshëm.
Sillni apo afroni një gju në kraharor duke e kapur dhe e mbajtur pa lëvizur për 30 sek. duke marrë frymë, më pas shtrij këmbën dhe përsërit ushtrimin me gjurin tjetër duke e përsëritur disa herë.
I shtrirë në pozicionin nr. 1 mbledh muskujt e vitheve dhe ato të barkut dhe mundohu të shtypësh shpinën mbi dysheme duke marrë frymë, përsëriteni ushtrimin 10 herë.

Shtrihuni me shpinë në dysheme me krahët të vendosur anash, gjunjët të përthyer dhe shputat e këmbëve të vendosura në dysheme.

Shtrëngoni -forconi muskujt e barkut dhe gluteal dhe ngrini legenin tuaj në mënyrë që trupi juaj të jetë në një vijë të drejtë me shpatullat dhe gjunjët.

Mbani këtë pozicion për 15 sekonda.

Ngadalë kthehuni në pozicionin e fillimit dhe përsëriteni.

Ushtrime Aerobike

Ecja me ritëm (një orë në ditë) dhe Notimi.

Komentet
comments powered by Disqus