subscribe
Ekspertët ngrenë alarmin për insulinën

Shendetesi

Ekspertët ngrenë alarmin për insulinën

Më: 24 nëntor 2018 Në ora: 09:53
Foto ilustrim

Mungesë insuline në botë. Sipas parashikimeve, mendohet se gjendja pas 12 vjetësh do të jetë alarmante, pasi 50% e pacientëve nuk do të mund të përdorin këtë medikament, veçanërisht në vendet në zhvillim.

Studimi është kryer nga Universiteti Standford i Kalifornisë në bashkëpunim me atë të Gjenevës. Janë përdorur të dhënat e Federatës Botërore të Diabetit  dhe 14 studime mbi këtë sëmundje duke mbuluar 60 % të popullsisë globale. Kërkuesit kanë dalë në konkluzionin se brenda vitit 2030 numri i pacientëve do të arrijë në 511 milionë, ndërkohë nga 406 milionë që janë sot.

Gjysma e tyre numërohen në Kinë, Indi, SHBA. Më rritjen e nurmit të pacientëve natyrisht do të rritet nevoja për insulinë, që është hormoni që shërben si rregullator i nivelit të glicemisë në gjak. Mirëpo rezulton se ky trajtim është i kushtueshëm dhe aktualisht tregu botëror është i dominuar nga tre grupe prodhuesish. Ndërkohë që ekspertët shprehin shqetësimet për reduktimin e përdorimit të insulinës në vendet e varfëra.